Seguimento remoto de corvo mariño con transmisores GPS/GSM
Corvo equipado listo para ser ceibado
Como parte do seguimento das poboacións de aves mariñas do Parque Nacional das illas Atlánticas de Galicia levamos equipados, entre 2018 e 2020 oito exemplares de corvo mariño (Phalacrocorax aristotelis) con transmisores GPS/GSM. Estes dispositivos rexistran e almacenan posicións GPS que posteriormente transmiten cada certo tempo polo sistema global para as comunicacións móbiles GSM. Concretamente, empregamos o modelo KITE-L GPS-GSM da casa ECOTONE (http://telemetry.ecotone.pl/). O modelo KITE, de 17 g de peso, é axeitado para aves medianeiras (> 600 g), vai equipado cun panel solar e, coas oportunas modificacións de fábrica, é submerxible ate profundidades superiores ás que adoitan baixar os corvos mariños. O acceso aos datos xenerados polos transmisores realízase vía internet, no sitio web de ECOTONE (http://www.ecotone-telemetry.com). Os corvos foron capturados nas illas Cíes, Ons e Sagres que levan transmitido máis de 10.000 localizacións.
Os datos de seguimiento amosan grandes diferenzas no patrón de uso do espazo dos individuos equipados, e suxiren que unha parte importante da poboación de corvos mariños poden estar a alimentarse de cotío fora das augas do Parque Nacional e que mesmo poden pasar longas tempadas fora del. Outro dos resultados importantes suxeridos por este seguimento é o solapamento entre as áreas de campeo dos corvos mariños das distintas colonias do Parque.
Localizacións dun dos exemplares equipados na colonia de Sagres
munillabiodiversidade.com 
Seguimento remoto de corvo mariño con transmisores GPS/GSM
Como parte do seguimento das poboacións de aves mariñas do Parque Nacional das illas Atlánticas de Galicia levamos equipados, entre 2018 e 2020 oito exemplares de corvo mariño (Phalacrocorax aristotelis) con transmisores GPS/GSM. Estes dispositivos rexistran e almacenan posicións GPS que posteriormente transmiten cada certo tempo polo sistema global para as comunicacións móbiles GSM. Concretamente, empregamos o modelo KITE-L GPS-GSM da casa ECOTONE (http://telemetry.ecotone.pl/). O modelo KITE, de 17 g de peso, é axeitado para aves medianeiras (> 600 g), vai equipado cun panel solar e, coas oportunas modificacións de fábrica, é submerxible ate profundidades superiores ás que adoitan baixar os corvos mariños. O acceso aos datos xenerados polos transmisores realízase vía internet, no sitio web de ECOTONE (http://www.ecotone-telemetry.com). Os corvos foron capturados nas illas Cíes, Ons e Sagres que levan transmitido máis de 10.000 localizacións.
Os datos de seguimiento amosan grandes diferenzas no patrón de uso do espazo dos individuos equipados, e suxiren que unha parte importante da poboación de corvos mariños poden estar a alimentarse de cotío fora das augas do Parque Nacional e que mesmo poden pasar longas tempadas fora del. Outro dos resultados importantes suxeridos por este seguimento é o solapamento entre as áreas de campeo dos corvos mariños das distintas colonias do Parque.