GUÍAS DEFINITIVAS

Guía Definitiva das Aves da Galiza. Inspírada no personaxe de Salvador Lueiro, naturalista, ornitólogo, ilustrador e divulgador científico, na Guía definitiva das Aves da Galiza describimos 33 especies de paxariños comúns da avifauna do noroeste ibérico e informamos sobre as trazas que mellor as describen; sobre a súa bioloxía, hábitats, costumes e personalidade. Incluimos tamén unha sección de etnografía e folclore paxareiro, por veces popular, por veces literaria. Tódolos paxaros van ilustrados nas súas cores e levan a carón a súa copla, canción ou poema manuscrito.

Guía Definitiva dos Peixes da Galiza. Esta guía describe 49 peixes dos mares da Galiza, da conta dos seus múltiples nomes e recolle algúns dos ditos, contos e fantasías que eles protagonizan. É unha publicación completamente nova e orixinal que na súa filosofía, orde e estrutura inspírase, deliberadamente, na anterior e primixenia  «Guía Definitiva das Aves da Galiza». De aí logo, da inspiración, o de calificar como definitiva a unha guía que nin quere nin pode constituir un canon ictiolóxico, mais que pretende, dun xeito descarado, converterse nunha obra de divulgación total, apta por tanto para maiores e crianzas, para iniciados e para leigos, para espíritos románticos e para espíritos sistemáticos.

Guía Definitiva dos Anfibios e Réptiles da Galiza. O feixe de criaturas que aquí presentamos constitúe a meirande parte dos representantes do grupo dos hérpetos que adoitan vivir na Galiza, concretamente tratamos 14 especies de anfibios e 16 especies de réptiles. Ademáis de describir como son e os lugares onde viven, damos conta dalgúns cantares, poemas, contos e fantasías que eles protagonizan. A cada especie correspóndelle un poema e, como mínimo, un conto. Viva a herpetofilia!!

Merca unha guía. Nesta páxina tes a opción de facerte con elas. O prezo inclúe os gastos de envío por correo postal nun sobre de burgullas a calquera parte de Europa. Podes tanto utilizar Paypal directamente (preme na icona que di «pay with Paypal») como mediante tarxeta bancaria (preme na icona da tarxeta que prefiras). Moitísimas grazas!!!

E non esquezas indicarnos as guías que queres!!