Un dos eixos de actuación máis importantes da Oficina de Medio Ambiente da Universidade de Vigo (OMA) ao longo da miña etapa como director da mesma foi a rehabilitación ecolóxica dos campus da universidade.
Mediante diversas técnicas e metodoloxías de creación, restauración e naturalización dos hábitats, así como medidas de protección, reforzo e facilitación de poboacións animais, tratamos de fomentar e mellorar a biodiversidade de flora, fauna, hábitats e ecosistemas. Tratábase de facer dos Campus un lugar mellor para a biodiversidade e, por tanto, un mellor lugar para vivir.
Creamos e restauramos lagoas, naturalizamos estanques, canles, regatos, mananciais e levadas. Trasplantamos e plantamos miles de árbores e arbustos. Creamos bosques, sebes, prados. Restauramos matogueiras de uz. Desenvolvimos varios programas de conservación dirixidos ás poboacións e comunidades de anfibios, réptiles e aves. Podes atopar a memoria desas e outras actuacións da OMA picando aqui.
Das actuacións de creación e restauración de hábitats compre destacar o Plan de Revexetación do Campus das Lagoas de Marcosende. Este campus, de preto de 80 ha, está situado a 12 km de Vigo e acolle a meirande parte dos centros docentes e administrativos da UVigo.
A tala das vellas plantacións de piñeiro que alí se atopaban xunto cos efectos negativos dunha urbanización acelerada estaban a convertir o Campus nun lugar con graves problemas ecolóxicos e ambientais: erosión, escorrentía, contaminación das augas, colonización por especies invasoras, perda de hábitats valiosos, extincións locais. Co fin de frear esta degradación e máis facer do Campus un lugar visualmente atractivo e amable coa biodiversidade, plantáronse ao redor de 12.000 árbores e arbustos de especies autóctonas do noroeste ibérico nunha superficie de 60 ha. Un proxecto sen precedentes que aínda hoxe é referencia.
O meu agradecemento ás personas que apoiaron e acreditaron neste proxecto e, especialmente, ás que tan duramente traballaron sobre o terreo. Invítovos a disfrutar dun paseo polo Campus. Custa crer que hai pouco máis de dez anos aquelo fose un espazo degradado e prácticamente desprovisto de arboredo. Mais asi era.
munillabiodiversidade.com 
Un dos eixos de actuación máis importantes da Oficina de Medio Ambiente da Universidade de Vigo (OMA) ao longo da miña etapa como director da mesma foi a rehabilitación ecolóxica dos campus da universidade.
Mediante diversas técnicas e metodoloxías de creación, restauración e naturalización dos hábitats, así como medidas de protección, reforzo e facilitación de poboacións animais, tratamos de fomentar e mellorar a biodiversidade de flora, fauna, hábitats e ecosistemas. Tratábase de facer dos Campus un lugar mellor para a biodiversidade e, por tanto, un mellor lugar para vivir.
Creamos e restauramos lagoas, naturalizamos estanques, canles, regatos, mananciais e levadas. Trasplantamos e plantamos miles de árbores e arbustos. Creamos bosques, sebes, prados. Restauramos matogueiras de uz. Desenvolvimos varios programas de conservación dirixidos ás poboacións e comunidades de anfibios, réptiles e aves. Podes atopar a memoria desas e outras actuacións da OMA picando aqui.
Das actuacións de creación e restauración de hábitats compre destacar o Plan de Revexetación do Campus das Lagoas de Marcosende. Este campus, de preto de 80 ha, está situado a 12 km de Vigo e acolle a meirande parte dos centros docentes e administrativos da UVigo.
A tala das vellas plantacións de piñeiro que alí se atopaban xunto cos efectos negativos dunha urbanización acelerada estaban a convertir o Campus nun lugar con graves problemas ecolóxicos e ambientais: erosión, escorrentía, contaminación das augas, colonización por especies invasoras, perda de hábitats valiosos, extincións locais. Co fin de frear esta degradación e máis facer do Campus un lugar visualmente atractivo e amable coa biodiversidade, plantáronse ao redor de 12.000 árbores e arbustos de especies autóctonas do noroeste ibérico nunha superficie de 60 ha. Un proxecto sen precedentes que aínda hoxe é referencia.
O meu agradecemento ás personas que apoiaron e acreditaron neste proxecto e, especialmente, ás que tan duramente traballaron sobre o terreo. Invítovos a disfrutar dun paseo polo Campus. Custa crer que hai pouco máis de dez anos aquelo fose un espazo degradado e prácticamente desprovisto de arboredo. Mais asi era.