Conservación da fauna asociada a un edificio histórico

Diagnóstico e conservación das poboacións de aves e quirópteros afectados pola restauración da Igrexa
de San Frutuoso en Santiago de Compostela

,

This project focused on protecting the swift (Apus apus) colony nesting in a historic building. It sought to keep the birds safe during restoration work and introduced measures to improve their breeding conditions, such as adjusting the roof tiles to reduce the risk of predators reaching the swifts’ nests.


Entre xaneiro e novembro de 2021 encargámonos das medidas e traballos de conservación das aves e dos quirópteros afectados polas obras de restauración da Igrexa de San Frutuoso, un fermoso edificio de planta central (1754-1765) situado no casco histórico de Santiago de Compostela, a carón mesmo da Praza do Obradoiro.

Os traballos de inspección e observación realizados levaron á conclusión de que o elemento ecolóxico máis valioso en relación á biodiversidade de vertebrados é, de lonxe, a colonia de cirrios (Apus apus) que aniñan na cuberta do ciborio. Outro dos elementos ecolóxicos valiosos relaciónase coa fauna de quirópteros ao localizarse a igrexa a carón dunha zona importante como hábitat de alimentación para os quirópteros urbanos de Santiago.

As medidas construtivas dirixidas á conservación da colonia de cirrio consistiron na preservación e adaptación dos ocos da cuberta do ciborio baixo a placa ondulada de fibrocemento: (1) Permitir o libre acceso aos 180 ocos do beiril da cuberta; (2) Reducir as dimensións de entrada dos ocos; (3) Proxectar máis cara a fóra as tellas do beiril. Os cirrios ocuparon o ciborio ao día seguinte de retirarse o andamio que cubría o tambor do ciborio e valéronlles tanto ocos simples como ocos ós que se lles reducira o tamaño da entrada.


Detalle da solución para a redución da entrada aos ocos baixo a placa ondulada de fibrocemento. / Detail of the solution for reducing the size of the openings beneath the corrugated fibre-cement sheet.
Detalle do beiril da cuberta do ciborio coas tellas superiores proxectadas cara fóra. / Detail of the eaves of the roof, with the upper tiles projecting outwards.
Ocupación da colonia ao día seguinte de retirarse os andamios do ciborio / Swifts reoccupying the colony the day after the scaffolding was removed.

As medidas de conservación de quirópteros consistiron na fabricación e instalación de dous refuxios modelo Kent (Kent Bat Box) na traseira da torre do campanario.

A caixa de morcegos lista para ser instalada / The bat box ready to be put on place.